Gjykata Supreme e Shteteve të Bashkuara ka refuzuar kërkesën e fundit të Christa Pike për ndalimin e ekzekutimit të saj.
50-vjeçarja pritet të ekzekutohet me injeksion vdekjeprurës në Tennessee.
Vendimi i gjykatës i hap rrugë ekzekutimit të Pike, e cila është dënuar me vdekje për një vrasje të kryer në vitin 1995.
Pike ishte vetëm 18 vjeçe kur, së bashku me të dashurin e atëhershëm, vrau 19-vjeçaren Colleen Slemmer.
Të dyja ishin takuar në një kamp trajnimi për të rinj me probleme.
Sipas rastit të paraqitur në gjykatë, Slemmer u rrah dhe u torturua para se të vritej.
Pike u shpall fajtore për vrasje të shkallës së parë në vitin 1996 dhe u dënua me vdekje.
Ajo ka kaluar rreth tri dekada në burgun e të dënuarve me vdekje.
Avokatët e saj kanë kërkuar që dënimi të zëvendësohet me burgim të përjetshëm.
Ata kanë argumentuar se mosha e saj në kohën e krimit duhet të merret parasysh. Sipas tyre, një 18-vjeçar nuk ka zhvillim të plotë të trurit si një i rritur.
Pike gjithashtu ka pasur mbështetjen e avokatëve për shkak të historisë së abuzimit dhe traumave të rënda gjatë fëmijërisë.
Por, guvernatori i Tennessee-t, Bill Lee, e kishte refuzuar kërkesën për falje të hënën.
Tani, edhe Gjykata Supreme ka refuzuar ndërhyrjen.
Nëse ekzekutimi kryhet, Pike do të jetë gruaja e parë e ekzekutuar në Tennessee pas më shumë se 200 vjetësh.
Sipas shifrave të cituara nga BBC, që nga vitet 1970 në SHBA janë ekzekutuar 18 gra. Në të njëjtën periudhë janë ekzekutuar 1,663 burra.
Sinjali – aty ku e vërteta flet para lajmit!
