Franca ka ndaluar hyrjen në territorin e saj ministrit izraelit të Policisë, Itamar Ben-Gvir, në mes të reagimeve ndërkombëtare për trajtimin e aktivistëve të flotilës humanitare që po shkonte drejt Gazës.
Lajmin e bëri të ditur ministri i Jashtëm francez Jean-Noël Barrot, i cili tha se vendimi reflekton shqetësimin dhe zemërimin në rritje të qeverive perëndimore lidhur me incidentin.
“Sot e tutje, Itamar Ben-Gvir e ka të ndaluar hyrjen në territorin francez”, shkroi Barrot në platformën X.
Ai shtoi se së bashku me homologun italian po kërkon nga European Union vendosjen e sanksioneve ndaj ministrit izraelit.
Reagimet ndërkombëtare erdhën pasi Ben-Gvir publikoi një video ku shihej duke tallur aktivistët e ndaluar, të cilët po përpiqeshin të dërgonin ndihma humanitare në Gaza.
Disa prej tyre më vonë pretenduan se ishin sulmuar fizikisht gjatë ndalimit, akuza që shërbimi izraelit i burgjeve i mohoi.
Sinjali – aty ku e vërteta flet para lajmit!
