Autoritetet shëndetësore në Francë kanë nisur heqjen e pjesshme të masave të izolimit për rreth 1,700 pasagjerë në një anije turistike që ka mbërritur në portin e Bordosë, pas një shpërthimi të dyshuar të norovirusit.
Sipas autoriteteve, testet laboratorike kanë konfirmuar se bëhet fjalë për një infeksion viral të tipit gastroenterit dhe jo për ndonjë sëmundje më të rrezikshme, duke përjashtuar fillimisht dyshimet për viruse të tjera më serioze.
Nga masat e reja, pasagjerët pa simptoma po lejohen të zbresin nga anija, ndërsa personat që shfaqin shenja të sëmundjes duhet të qëndrojnë në izolim deri në shërim të plotë.
Në bord ndodheshin mbi 1,700 persona, kryesisht turistë britanikë dhe irlandezë, ndërsa rreth 50 pasagjerë kanë raportuar simptoma si të vjella, diarre dhe dhimbje barku.
Autoritetet franceze bëjnë të ditur se një pasagjer 92-vjeçar ka humbur jetën gjatë udhëtimit, ndërsa nuk përjashtohet mundësia që shpërthimi të ketë qenë i lidhur edhe me ushqimin në bord.
Anija turistike kishte nisur udhëtimin më 6 maj dhe kishte ndaluar në disa qytete evropiane, përpara se të ankorohej në Bordo, ku u vendosën masat emergjente shëndetësore.
Sinjali – aty ku e vërteta flet para lajmit!
