Një fotografi e shpërndarë ka çuar në ndërhyrjen e Policisë në Podujevë, ku një person është kapur me armë zjarri, mëson Sinjali.
Ngjarja ka ndodhur më 30 prill 2026 rreth orës 12:30 në rrugën “Arbëria”, pasi njësia për menaxhimin e urdhëresave ka pranuar një foto ku shihej një person me pistoletë në dorë.
Pas verifikimeve të shpejta, hetuesit kanë identifikuar të dyshuarin Shashivar Selmanaj (66 vjeç) dhe kanë kryer kontroll-bastisje, ku kanë gjetur dhe sekuestruar:
- një pistoletë të tipit TT,
- dy karikatorë,
- dhe 17 fishekë.
I dyshuari është shoqëruar në stacion policor dhe është intervistuar në lidhje me rastin.
Me udhëzim të Prokurorit kujdestar, rasti është iniciuar si “Mbajtje në pronësi, kontroll ose posedim i paautorizuar i armëve”, ndërsa i dyshuari është liruar në procedurë të rregullt.
Rasti mbetet nën hetime.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
The post Fotoja e armës e nxjerr në telashe – i sekuestrohet pistoleta në Podujevë appeared first on Sinjali.
