Një ngjarje tragjike ka ndodhur pasditen e sotme në fshatin Margëlliç të Patosit, ku një elektricist ka humbur jetën gjatë kryerjes së detyrës.
Sipas njoftimit të Policisë së Shtetit, rreth orës 18:00, pranë një shtylle elektrike të rrëzuar është gjetur pa shenja jete shtetasi E.D., 46 vjeç, banues në Elbasan, me profesion elektricist.
Nga informacionet paraprake dyshohet se 46-vjeçari ka qenë duke punuar në shtyllën elektrike në momentin kur ajo është rrëzuar, duke e marrë me vete dhe duke i shkaktuar plagë fatale.
Në vendngjarje kanë dalë forcat e Policisë dhe grupi hetimor, të cilët po punojnë për sqarimin dhe dokumentimin e plotë të rrethanave të ngjarjes dhe shkakut të aksidentit.
Hetimet për rastin janë në vijim.
Sinjali – aty ku e vërteta flet para lajmit!
