Qeveria e Iranit ka bërë thirrje të premten për t’i dhënë fund bllokadës së Arabisë Saudite ndaj Jemenit dhe për rifillimin e menjëhershëm të bisedimeve mes Riadit dhe rebelëve Houthi.
Kjo është deklarata e parë e Teheranit që nga momenti kur rebelët Houthi, të mbështetur nga Irani, morën nën kontroll qytetin port të Mokhas.
Ministria e Jashtme e Iranit, në një deklaratë të transmetuar nga agjencia shtetërore e lajmeve IRIB, bëri thirrje për rikthimin në negociata mes Arabisë Saudite dhe Houthëve.
Në deklaratë, Ministria theksoi nevojën për të “respektuar pavarësinë, sovranitetin kombëtar dhe integritetin territorial të Jemenit”.
Thirrja e Iranit vjen pasi rebelët Houthi morën kontrollin e një ishulli strategjik në Ngushticën Bab el-Mandeb, në hyrje të Detit të Kuq, sipas dy zyrtarëve të cituar të premten.
Marrja e kontrollit të ishullit kërcënon më tej eksportet e naftës saudite përmes një prej rrugëve kryesore tregtare në botë.
Në përgjigje, Arabia Saudite ndërmori sulme ajrore ndaj aeroportit në qytetin port të Mokhas, të cilin Houthit e kishin pushtuar të enjten.
Deri tani nuk është raportuar për viktima apo dëme nga sulmet ajrore.
Ndërkaq, marrja e kontrollit të ishullit Mayun, një territor i vogël vullkanik dhe i pabanuar në ngushticë, është konfirmuar nga një zyrtar i lartë ushtarak i qeverisë së Jemenit, e cila njihet ndërkombëtarisht.
Sinjali – aty ku e vërteta flet para lajmit!
