Këngëtaret Shakira dhe Madonna, si dhe grupi K-pop BTS, do të performojnë në pushimin e finales së Kupës së Botës në futboll, kanë njoftuar sot organizatorët e garës.
Finalja e Kampionatit Botëror në New Jersey do të luhet më 19 korrik. Për herë të parë, “shfaqja e pjesës së parë” do të mbahet në pushimin e pjesës së parë të finales së Kupës së Botës, ndërsa prezantues i programit do të jetë Chris Martin nga grupi Coldplay.
ESPN raporton se pushimi i pjesës së parë mund të zgjasë më shumë se 15 minutat e zakonshme.
Programi i pushimit është bërë një element kryesor i ngjarjeve sportive në Shtetet e Bashkuara, veçanërisht gjatë Super Bowl.
Kupa e Botës do të zhvillohet nga 11 qershori deri më 19 korrik në 16 qytete në SHBA, Meksikë dhe Kanada.
Sinjali – aty ku e vërteta flet para lajmit!
