Një fenomen shqetësues është vërejtur në shumë rrugë të Prishtinës.
Kompania Regjionale e Mbeturinave “Pastrimi” ka bërë të ditur se disa persona po thyejnë kontejnerët për mbeturina, transmeton Klankosova.tv.
Në reagimin zyrtar bëhet lutje që kjo dukuri të mos përsëritet më, derisa u bë e ditur se kontejnerët e dëmtuar janë zëvendësuar me të rinj.
“Mbrëmë në shumë rrugë të kryeqytetit i kemi zëvendësuar kontejnerët e thyer me të rinj. Por është e papranueshme që të dëmtohet kaq shumë prona publike. Kërkojmë bashkëpunimin e juaj, që të ruajmë e kujdesemi për mjedisin e përbashkët”, thuhet në reagim.
