Një 49-vjeçar ka humbur jetën si pasojë e lëndimeve të marra në një vetaksident trafiku që ndodhi të dielën pasdite në Shirokë të Suharekës, raporton Sinjali.
Aksidenti është regjistruar rreth orës 16:20, në rrugën e transitit, ku shoferi, për shkaqe ende të panjohura, ka humbur kontrollin mbi automjetin dhe ka dalë nga rruga.
Sinjali merr vesh se përveç shoferit, në automjet ndodheshin edhe tre pasagjerë. Një grua 49-vjeçare dhe dy fëmijë kanë pësuar lëndime të lehta.
Fillimisht, 49-vjeçari me inicialet P.K., nga Hoxha e Vogël e Rahovecit, ishte dërguar për trajtim në Spitalin Rajonal të Prizrenit. Megjithatë, rreth orës 20:40, nga spitali është njoftuar se ai ka ndërruar jetë si pasojë e lëndimeve të marra në aksident.
Policia ka dalë në vendin e ngjarjes dhe ka nisur hetimet për zbardhjen e rrethanave të aksidentit, në koordinim me Prokurorin e Shtetit.
Rasti mbetet nën hetim nga njësitë kompetente.
Sinjali – aty ku e vërteta flet para lajmit!
