Mesfushori 22-vjeçar, Dion Kaçuri, ka folur për herë të parë pas vendimit për t’iu bashkuar Kombëtares së Kosovës, duke shprehur kënaqësinë për mundësinë që të përfaqësojë fanellën “Dardane”.
Kaçuri, i cili nga viti 2026 është pjesë e SC Austria Lustenau në Austri, ka thënë se zgjedhja e Kosovës ka qenë një vendim i natyrshëm dhe i marrë me zemër.
“Ka qenë një vendim me zemër. E lehtë ka qenë për mua. Jam shumë i lumtur që mund të luaj për Kosovën. Do të provoj të jap maksimumin çdo ditë. Prindërit e mi kanë lindur këtu, janë rritur këtu, e gjithë familja ime është këtu. Unë vij një herë apo dy herë në vit, prandaj ishte vendim me zemër dhe i lehtë për mua”, është shprehur Kaçuri.
Ai pritet të jetë një prej emrave të rinj në përbërjen e përzgjedhësit Franco Foda, në kuadër të ciklit të ardhshëm të UEFA Nations League.
Kosova bën pjesë në Grupin B3, së bashku me Irlandën, Austrinë dhe Izraelin.
Sinjali – aty ku e vërteta flet para lajmit!
