Dy persona kanë humbur jetën si pasojë e aksidenteve të trafikut në Kosovë gjatë 24 orëve të fundit, ndërsa janë regjistruar edhe dhjetëra aksidente të tjera me të lënduar dhe dëme materiale.
Sipas Policisë së Kosovës, një aksident me fatalitet ka ndodhur në Autostradën “Ibrahim Rugova”, ku si pasojë e humbjes së kontrollit mbi automjet, një pasagjere ka ndërruar jetë në vendin e ngjarjes. Shoferi i lënduar po trajtohet në QKUK, ndërsa me urdhër të prokurorit trupi i pajetë është dërguar në IML për obduksion.
Një tjetër rast me fatalitet është raportuar në Gjilan, ku ka ndërruar jetë një person i cili po trajtohej nga lëndimet e marra në një aksident të ndodhur më 2 maj.
Gjatë kësaj periudhe janë evidentuar gjithsej 39 aksidente trafiku, prej të cilave 23 me persona të lënduar dhe 14 me dëme materiale.
Policia ka bërë të ditur gjithashtu se janë shqiptuar 1,737 tiketa trafiku për shkelje të rregullave në komunikacion.
Sinjali – aty ku e vërteta flet para lajmit!
