Sipërmarrësja Fahrije Hoti, e cila ka vendosur të garojë për zgjedhjet e 7 qershorit, krah ish-presidentes Vjosa Osmani, sot është e ftuar në emisionin ‘Kosova Today’ në Klan Kosova, në një intervistë ekskluzive.
Nga dhimbja personale e traumat e luftës, Hoti ka rrëfyer edhe mbi fillimet e punës së saj dhe suksesin e kooperativës, në të cilën janë të punësuar 35 gra.
Hoti tha se në vitin 2005 ishte një punëtore, në vitin 2006 numri i punëtorëve u rrit në 5, kurse në këtë vit, ajo tha se janë 35 punëtore të angazhuara, raporton KlanKosova.tv.
“Në 2005 një, në 2006 pesë, tash jemi 35, pa i llogaritur fermerët dhe punëtoret sezonale, gjatë sezones shkon numri deri në 70. Nëse i llogarisim edhe fermerët janë mbi 100 fermerë. Vazhdimisht bëjmë hapje të tregut, kjo na motivon me punu dhe atëherë angazhojmë edhe gra në punë sezonale”, tha ajo.
Mesazhi i saj ishte i qartë, se edhe atëherë kur dorëzohesh, vazhdon dhe ia del. /Klankosova.tv
