Dogana e Kosovës ka bërë të ditur se ka zbuluar mall të padeklaruar në një pjesë të fshehur në autobus.
Përmes një njofitmi në Facebook, dogana njoftoi se sot në pikën e kalimit kufitar në Han të Elezit, është paraqitur një autobus me linjë Turqi-Prishtinë me targa të huaja.
Gjatë kontrollit zyrtarët doganorë kanë gjetur një hapësirë të fshehur brenda autobusit ku është zbuluar mall i padeklaruar 27 fustane solemne si dhe dy fustane vello.
“Mallrat janë ndaluar nga Dogana e Kosovës dhe po ndiqen procedurat e mëtejshme administrative dhe ligjore në përputhje me legjislacionin në fuqi”, thuhet tutje në njoftimin e Doganës së Kosovës.
Sinjali – aty ku e vërteta flet para lajmit!
