17 kadetë të rinj të Forcës së Sigurisë së Kosovës janë betuar solemnisht, duke nisur rrugëtimin e tyre drejt formimit si oficerë të ardhshëm.
Në mesin e kadetëve të klasës 2030 është edhe një kadet nga Republika e Shqipërisë.
Me betimin solemn, kadetët shprehën përkushtimin e tyre për t’i shërbyer Republikës së Kosovës me nder, përgjegjësi dhe profesionalizëm.
Ky moment shënon fillimin e një kapitulli të ri për ta në Qendrën për Studime Universitare, ku nga sot mbajnë titullin e kadetit dhe marrin përsipër përgjegjësitë, sfidat dhe privilegjet që lidhen me këtë rol.
Kadetët do të vazhdojnë përgatitjen dhe formimin e tyre profesional në kuadër të programit për përgatitjen e oficerëve të ardhshëm të FSK-së.
Sinjali – aty ku e vërteta flet para lajmit!
