Një aksident i rëndë trafiku në qarkoren Radishan–Prishtinë–Mirkovcë ka rezultuar me katër viktima, duke tronditur opinionin publik dhe botën e kulturës në Maqedoninë e Veriut.
Sipas mediave lokale, njëri nga viktimat e aksidentit është Riste Velkov, bariton dhe solist në Operën dhe Baletin Nacional të Maqedonisë së Veriut. Në aksident dyshohet se kanë humbur jetën edhe djali i tij 20-vjeçar dhe dy persona të tjerë.
Ngjarja tragjike ka ndodhur pas përplasjes së një kamioni me targa të Kosovës dhe një veture BMW me targa të Shkupit, ku sipas hetimeve paraprake kamioni ka humbur kontrollin dhe ka kaluar në korsinë e kundërt.
Autoritetet kanë nisur hetimet për të sqaruar rrethanat e sakta të aksidentit, ndërsa komuniteti artistik ka shprehur ngushëllime për humbjen e këngëtarit të njohur operistik.
Sinjali – aty ku e vërteta flet para lajmit!
