Në Zvicër ka nisur gjykimi ndaj 43-vjeçarit Marc Rieben, i akuzuar për vrasjen e ish-bashkëshortes së tij, Kristina Joksimovic, ish-mbretëreshë bukurie dhe nënë e dy fëmijëve.
Gjatë seancës në Muttenz, pranë Bazelit, i pandehuri ka deklaruar se e “donte” viktimën dhe ka shprehur pendesë për ngjarjen, të cilën e ka cilësuar si “aksident”, ndonëse ka pranuar se e kishte kapur për fyti.
Sipas prokurorisë, krimi është kryer me dhunë ekstreme dhe më pas i pandehuri ka tentuar të fshehë gjurmët e ngjarjes.
Ai përballet me akuza për vrasje dhe përdhosje të kufomës, ndërsa rrezikon burgim të përjetshëm në rast dënimi.
Hetuesit dyshojnë se motivet e krimit lidhen me xhelozinë dhe mospranimin e ndarjes. Gjyqi pritet të vazhdojë disa ditë, ndërsa vendimi final është planifikuar të shpallet më 13 maj.
Sinjali – aty ku e vërteta flet para lajmit!
