Presidenti i Ukrainës, Volodymyr Zelensky, ka deklaruar se vendi i tij ka përmbushur të gjitha kërkesat e nevojshme për t’u bërë pjesë e Bashkimit Evropian.
Ukraina prej kohësh po kërkon anëtarësimin në BE, duke e konsideruar këtë proces si një garanci për sigurinë e vendit dhe si një mundësi për të siguruar mbështetje më të madhe ushtarake në luftën kundër Rusisë, raporton “Sky News”.
Sipas Zelenskyt, janë duke u përgatitur katër “kapituj” të rinj për negociatat e anëtarësimit, ndërsa dy prej tyre tashmë kanë nisur.
“Gjithçka është bërë nga ana jonë për të siguruar një vendim pozitiv”, ka shkruar presidenti ukrainas në platformën X.
Sinjali – aty ku e vërteta flet para lajmit!
