Rilind Gërvalla është emëruar ushtrues detyre i drejtorit të kanaleve në gjuhën shqipe RTK 1, RTK 3 dhe RTK 4.
Emërimi i tij ka ardhur në mbledhjen e dytë të Bordit të RTK-së dhe ai është propozuar nga ushtruesja e detyrës së drejtoreshës së mediumit publik, Zana Spahiu.
Propozimi i saj ka marrë nëntë vota të anëtarëve të bordit.
Rilind Gërvalla ka qenë drejtor i RTK1, i cili ishte zgjedhur në këtë detyrë më 31 janar 2023, derisa tash i ka përfunduar mandati i rregullt.
Kurse, në mbledhjen e bordit, Arsim Halili është emëruar ushtrues detyre i drejtorit të Radio Kosovës.
Ai u propozua në këtë pozitë nga ushtruesja e detyrës së drejtoreshës së RTK-së, Zana Spahiu.
Halili ka qenë deri më tani drejtori i Radio Kosovës, i cili ishte zgjedhur më 31 mars 2023, por që i kishte përfunduar mandati i rregullt. /Klankosova.tv
