Kosova është tronditur mbrëmjen e së mërkurës, pasi dy persona u privuan nga jeta.
Rastet kanë ndodhur në Prishtinë dhe në Mitrovicë, ndërsa të vdekur mbetën Agron Hajdari i njohur si “Radulla” në Breg të Diellit, dhe Erduan Brahimi në lagjen e Romëve në Mitrovicë të Jugut, transmeton Klankosova.tv.
Lidhur me këto raste të rënda, në emisionin “Kosova Today”, gazetari Pleurat Salihu tha se krime të këtij lloji do vazhdojë të ketë vendi ynë, transmeton Klankosova.tv.
Kjo pasi sipas tij, institucionet përgjegjëse po dështojnë.
“Unë e shoh që është dështimi i hallkës së institucioneve përgjegjëse, dhe kemi me pasë edhe më shumë, sepse tek tash, krimit, drogës, mafisë energjetike, shëmtimit të kulturës, gjithçka iu kemi dhënë prioritet dhe i kemi lënë me evolu”, tha Salihu në Klan Kosova.
