Ish-drejtoresha e SHISH-it, Vlora Hyseni, do të paraqitet nesër para Gjykatës së Posaçme në Shqipëri, ku do të mbahet seanca për marrjen në pyetje të saj.
Seanca është caktuar të nisë në orën 12:00.
Hyseni është nën hetim për dy vepra penale, përkrahjen e autorit të krimit dhe zbulimin e akteve ose të dhënave sekrete.
Ndaj saj është caktuar masa e sigurimit “arrest në shtëpi”.
Ndërkohë, po nesër, në orën 09:00, është caktuar seanca për marrjen në pyetje të Fatjon Kalluçit dhe Embro Sulejmanit, ndaj të cilëve është caktuar masa “arrest në burg”.
Sipas njoftimit të Gjykatës së Posaçme, Prokuroria e Posaçme ka paraqitur kërkesat për marrjen në pyetje të tre personave nën hetim.
Lajmi për caktimin e seancave është raportuar nga mediat shqiptare, të cilat kanë publikuar edhe detajet e vendimit të Gjykatës.
Procedimi penal ndaj Hysenit, Kalluçit dhe Sulejmanit është duke u zhvilluar nga Prokuroria e Posaçme.
Sinjali – aty ku e vërteta flet para lajmit!
