Kërkimet për 80-vjeçarin Hamëz Ismali nga Ferizaj po vazhdojnë edhe më tej, pasi ai është larguar nga shtëpia më 17 gusht dhe që nga ajo kohë nuk është kthyer.
Shoqata e Kosovës për Kërkim dhe Shpëtim ka njoftuar se gjatë tri ditëve të fundit, në bashkëpunim me Policinë e Kosovës, banorë të Ferizajt dhe të fshatit Komogllavë, janë zhvilluar kërkime intensive për gjetjen e tij.
Sipas njoftimit, ekipet kanë kontrolluar zona urbane dhe rurale, ndërsa në operacion janë përdorur edhe dronë.
Pavarësisht përpjekjeve të deritanishme, 80-vjeçari ende nuk është gjetur.
Shoqata ka bërë të ditur se kërkimet do të vazhdojnë edhe në ditët në vijim, në koordinim me Policinë e Kosovës dhe banorët e zonës.
Po ashtu, qytetarët që mund të kenë informacione të dobishme për vendndodhjen e Hamëz Ismalit janë ftuar t’i përcjellin ato te Policia e Kosovës ose te ekipet e angazhuara në kërkim.
Sinjali – aty ku e vërteta flet para lajmit!
