Në vendlindjen e Jakup Krasniqit, në Negroc, familjarë, bashkëluftëtarë dhe bashkëvendas janë mbledhur për të pritur verdiktin e Gjykatës Speciale në Hagë, duke shprehur besimin e tyre se ai dhe bashkëluftëtarët e tij, Hashim Thaçi, Kadri Veseli e Rexhep Selimi, do të shpallen të pafajshëm.
Vëllai i Jakup Krasniqit, Avdyl Krasniqi, ka thënë se lufta e UÇK-së ishte e pastër dhe se, sipas tij, nuk ka arsye që ish-krerët e saj të dënohen.
“Obligimin njerëzor e kanë kryer me kohë për Kosovë dhe popullin e saj. Gjykata ka qenë jo shumë serioze, pasi edhe dëshmitarët kanë qenë jo seriozë, por shpresojmë që gjykata të mbështetet në fakte dhe të marrë vendimin e duhur. Arsye për t’u dënuar nuk ka, pasi krimet monstruoze i ka kryer Serbia”, theksoi ai.
Sinjali – aty ku e vërteta flet para lajmit!
