Shërbimi Meteorologjik i Mbretërisë së Bashkuar ka lëshuar paralajmërim për vapë ekstreme, pasi temperaturat pritet të arrijnë nivele të rrezikshme në ditët në vijim.
Sipas parashikimeve, temperaturat gjatë ditës në Britani mund të kalojnë 30°C, ndërsa në zonat më të nxehta pritet të shkojnë deri në 38°C. Autoritetet kanë paralajmëruar se kjo valë e të nxehtit mund të sjellë rreziqe serioze për shëndetin, veçanërisht për të moshuarit dhe personat me sëmundje kronike.
Meteorologët bëjnë të ditur se vala e të nxehtit nuk po kufizohet vetëm në Britani, por po përfshin një pjesë të madhe të Evropës Perëndimore. Në disa vende evropiane, temperaturat pritet të kalojnë edhe 40°C.
Në Francë, autoritetet kanë urdhëruar mbylljen e rreth 850 shkollave, ndërsa është shpallur alarm i kuq për vapë ekstreme në gati gjysmën e territorit të vendit. Situata po monitorohet nga afër nga shërbimet meteorologjike dhe autoritetet e emergjencës.
Sinjali – aty ku e vërteta flet para lajmit!
