Presidenti i ShBA-së, Donald Trump, ka deklaruar se administrata e tij po monitoron nga afër rastet e Hantavirusit, duke theksuar se situata mbetet nën kontroll dhe se nuk paraqet të njëjtin rrezik si pandemia COVID-19.
Duke folur para gazetarëve në Shtëpinë e Bardhë, përpara nisjes drejt një darke në fushën e tij të golfit në Sterling të Virxhinias, Trump bëri të ditur se zyrtarët amerikanë janë duke e studiuar me kujdes virusin dhe nënvizoi se ai “nuk është lehtësisht i transferueshëm”.
“Jo, duket se i kemi gjërat nën kontroll shumë të mirë. Ata e njohin shumë mirë virusin. Ka qenë këtu për një kohë të gjatë”, tha Trump.
Ai shtoi: “Nuk transferohet lehtë, ndryshe nga COVID. Por do ta shohim, po e studiojmë shumë nga afër. Kemi njerëz shumë të mirë që e studiojnë shumë nga afër.”
Në të njëjtën kohë, Organizata Botërore e Shëndetësisë (OBSH) ka konfirmuar pesë raste të hantavirusit të lidhura me vdekjet në një anije turistike që aktualisht po lundron në Oqeanin Atlantik.
Sinjali – aty ku e vërteta flet para lajmit!
