Një person është plagosur me thikë sot në Drenas dhe ka marrë trajtim mjekësor pas incidentit.
Rastin e ka konfirmuar për Sinjalin zëdhënësi i Policisë së Kosovës, Enis Pllana, i cili bëri të ditur se ngjarja është raportuar rreth orës 11:00.
“Rreth orës 11:00 e kemi pranuar informatën se një person është lënduar nga një mjet i mprehtë. I njëjti ka pranuar trajtim mjekësor”, ka deklaruar Pllana.
Policia ka nisur hetimet për të sqaruar rrethanat e rastit dhe për të identifikuar personat e përfshirë në incident.
Sinjali – aty ku e vërteta flet para lajmit!
