Një konflikt familjar në Prishtinë ka përfunduar me sulm fizik, pasi një 18-vjeçare dyshohet se është goditur me shuplakë nga vëllai i saj derisa po përpiqej ta qetësonte situatën mes tij dhe të dashurës së tij.
Burimet e Sinjalit bëjnë me dije se rasti ka ndodhur më 16 shtator, rreth orës 23:30, në rrugën “27 Nëntori” në Prishtinë.
Sipas informacioneve që ka siguruar Sinjali, mes A. H., 20-vjeçar, dhe të dashurës së tij kishte nisur një mosmarrëveshje, ndërsa motra e tij, E. H., kishte ndërhyrë në përpjekje për t’i qetësuar.
Gjatë kësaj ndërhyrjeje, 18-vjeçarja dyshohet se është goditur me shuplakë në fytyrë nga vëllai i saj.
Viktima nuk ka pranuar trajtim mjekësor.
Në kuadër të rastit është intervistuar edhe e dashura e të dyshuarit, e cila ka qenë dëshmitare e ngjarjes.
Për rastin është njoftuar Prokurori kujdestar për Dhunë në Familje, i cili ka udhëzuar që të iniciohet rast për “Sulm” në kuadër të dhunës në familje.
Pas procedurave, i dyshuari është liruar në procedurë të rregullt.
Hetimet për rrethanat e plota të rastit po vazhdojnë.
Sinjali – aty ku e vërteta flet para lajmit!
