Instituti Kombëtar i Shëndetësisë Publike të Kosovës (IKSHPK) ka publikuar disa rekomandime për qytetarët, me qëllim mbrojtjen nga temperaturat e larta dhe ekspozimi ndaj rrezatimit ultraviolet (UV).
IKSHPK këshillon qytetarët që të shmangin qëndrimin e gjatë në diell gjatë orëve të mesditës, kur temperaturat dhe niveli i rrezatimit UV janë më të larta.
Po ashtu, rekomandohet përdorimi i kapelave, syzeve të diellit dhe kremrave mbrojtës me faktor të përshtatshëm ndaj rrezatimit UV.
Një tjetër këshillë e rëndësishme është konsumimi i mjaftueshëm i ujit, si dhe shmangia e qëndrimit pa ushqim për periudha të gjata.
IKSHPK u bën thirrje qytetarëve që t’i respektojnë këto rekomandime për të reduktuar rrezikun nga pasojat e ekspozimit ndaj temperaturave të larta dhe diellit të fortë.
Sinjali – aty ku e vërteta flet para lajmit!
