Gjatë ditës së djeshme në Kaçanik janë hapur dy raste penale, “sulm” dhe “kanosje”, ndërsa një person është intervistuar dhe janë konfiskuar armë dhe municion.
Për veprën e sulmit dyshohet 26-vjeçari me inicialet E.B., ndërsa për “kanosje” i dyshuari është H.B.
Policia ka njoftuar se sot është intervistuar E.B. në lidhje me rastin e sulmit, ku ai ka pranuar se posedon një pushkë gjuetie, një pistoletë dhe municion.
“Njësia e Hetimeve, në bashkëpunim me Njësinë Reaguese dhe me urdhër të prokurorit të shtetit, ka konfiskuar dy armët dhe 51 fishekë”, thuhet në njoftimin e policisë.
Pas intervistimit, i dyshuari E.B. është liruar në procedurë të rregullt, ndërsa H.B. ndodhet jashtë vendit dhe është në kërkim nga policia.
Sinjali – aty ku e vërteta flet para lajmit!
