Dy persona kanë humbur jetën dhe pesë të tjerë rezultojnë të zhdukur pasi një ndërtesë banimi u shemb pas një shpërthimi në një zonë turistike të Athinës qendrore, bëri të ditur të shtunën një zyrtar i shërbimit zjarrfikës grek.
Shpërthimi, i cili ndodhi të premten, shkatërroi një ndërtesë dykatëshe në Plaka, pranë disa prej vendeve më të vizituara të Athinës, përfshirë Akropolin dhe Tempullin e Zeusit.
Si pasojë e shpërthimit, tre persona u plagosën, ndërsa u dëmtuan edhe shtëpi, dyqane dhe automjete në zonën përreth.
Kryetari i bashkisë së Athinës, Haris Doukas, tha të premten se ngjarja ka gjasa të jetë e lidhur me infrastrukturën e gazit.
Ekipet e shpëtimit vijojnë kërkimet për pesë personat që rezultojnë të zhdukur pas shembjes së ndërtesës.
Sinjali – aty ku e vërteta flet para lajmit!
