Reshjet e mëdha të shiut kanë shkaktuar përmbysjen e një parkingu nëntokësor në qendër të Rahovecit.
Gazetari Kron Sadiku, në emisionin “Kosova Today” bëri të ditur se reshjet filluan qysh në orët e para të mëngjesit të sotëm, ndërsa intensiteti u rrit në orën 05:00, transmeton Klankosova.tv.
Sipas Sadikut, komuna e Rahovecit po tenton ta bëjë sanimin e problemit, në mënyrë që ta tërheq ujin e tepërt në parking.
Drejtori i urbanizimit në Rahovec, Albnor Mullabazi tha për emisionin “Kosova Today” se parkingu ka qenë në gjendje të mirë deri në orën 07:00, ndërkohë tre vetura, sipas tij, kanë mbetur të ngujuara.
Ai shtoi se puna për pastrimin e parkingut dhe normalizimin e situatës po vijon.
