Ushtria amerikane ka njoftuar se ka vrarë katër persona gjatë një sulmi ndaj një anijeje në Karaibe, për të cilën pretendon se ishte e përfshirë në trafikun e drogës.
Komanda Jugore e SHBA-së deklaroi se inteligjenca e konfirmuar tregonte se anija po përdorej në mënyrë aktive për trafikimin e narkotikëve.
Sulmi është pjesë e fushatës amerikane kundër grupeve që administrata e presidentit Donald Trump i përshkruan si “narko-terroristë”. Sipas Reuters, kjo fushatë ka nisur vitin e kaluar dhe përfshin operacione kundër anijeve të dyshuara për trafik droge.
Sulmi i fundit ndodhi vetëm 10 ditë pas një tjetër operacioni në Karaibe, ku ushtria amerikane tha se kishte vrarë tre persona.
Sipas të dhënave të ushtrisë amerikane, që nga nisja e kësaj fushate, operacionet ndaj anijeve në Karaibe dhe në Paqësorin Lindor kanë shkaktuar më shumë se 220 viktima.
Ndërkohë, organizatat për të drejtat e njeriut kanë kritikuar këto operacione, duke i cilësuar sulmet si “vrasje jashtëgjyqësore”.
Sinjali – aty ku e vërteta flet para lajmit!
