Ushtria e Shtetet e Bashkuara ka kryer një tjetër sulm ndaj një anijeje të dyshuar për trafik droge në pjesën lindore të Oqeanit Paqësor, ku si pasojë kanë humbur jetën dy persona, ndërsa gjashtë të tjerë kanë mbijetuar.
Operacioni është pjesë e fushatës së vazhdueshme të administratës amerikane kundër rrjeteve që Uashingtoni i cilëson si “narkoterroriste”.
Sipas të dhënave zyrtare, ky është një nga mbi 60 sulmet e realizuara që nga nisja e operacioneve vitin e kaluar, ku deri më tani raportohet për mbi 210 viktima.
Komanda Qendrore e U.S. Central Command bëri të ditur se për rastin është njoftuar Roja Bregdetare e SHBA-së, megjithatë nuk janë dhënë detaje të mëtejshme mbi operacionet e kërkim-shpëtimit për gjashtë të mbijetuarit.
Sipas U.S. Southern Command, anija ishte shënjestruar në një zonë të njohur për kontrabandë droge, por nuk janë publikuar prova që konfirmojnë transportin e lëndëve narkotike.
Një video e publikuar në rrjetet sociale tregon momentin kur anija lëviz me shpejtësi në det përpara se të goditet dhe të përfshihet nga flakët.
Presidenti amerikan Donald Trump ka deklaruar më herët se SHBA ndodhet në një “konflikt të armatosur” me kartelet e drogës në Amerikën Latine, duke argumentuar se operacionet ushtarake janë të domosdoshme për të frenuar trafikun e drogës dhe krizat e mbidozave në vend.
Autoritetet amerikane po vazhdojnë hetimet lidhur me rastin dhe identitetin e personave të përfshirë në incident.
Sinjali – aty ku e vërteta flet para lajmit!
