Një rast i mosrespektimit të urdhrit mbrojtës është regjistruar në Skenderaj, ku një burrë ka shkelur vendimin e Gjykatës dhe ka përfunduar në ndalim policor.
Ngjarja ka ndodhur më 15 prill rreth orës 15:30 në rrugën “Azem Bejta”.
Ngjarja ka dalë në dritë pasi ankuesja ka telefonuar policinë, duke raportuar se bashkëshorti i saj kishte shkuar te shtëpia e saj, në kundërshtim me urdhrin mbrojtës të lëshuar nga Gjykata.
Sipas saj, ai e ka shqetësuar, penguar dhe frikësuar, duke shkelur drejtpërdrejt vendimin gjyqësor.
Policia ka reaguar menjëherë duke e arrestuar të dyshuarin K. A rreth 36 vjeç dhe duke e shoqëruar në Stacionin Policor.
Me urdhër të prokurorit kujdestar, i njëjti është dërguar në mbajtje për 48 orë.
Rasti është iniciuar si “Mos përfillje e Gjykatës” dhe mbetet në procedurë.
Sinjali – aty ku e vërteta flet para lajmit!
