Presidenti rus Vladimir Putin tha të shtunën se mendonte që lufta në Ukrainë po i vinte fundi, komente që erdhën vetëm disa orë pasi ai ishte zotuar për fitore në Ukrainë në paradën më të vogël të Ditës së Fitores në Moskë prej vitesh.
“Mendoj se çështja po merr fund”, u tha Putin gazetarëve për luftën Rusi-Ukrainë, konfliktin më vdekjeprurës të Evropës që nga Lufta e Dytë Botërore, shkruan Reuters.
Ai tha gjithashtu se do të ishte i gatshëm të negocionte marrëveshje të reja sigurie për Evropën dhe se partneri i tij i preferuar negociues do të ishte ish-kancelari i Gjermanisë, Gerhard Schroeder.
Pushtimi i Ukrainës nga Rusia në vitin 2022 shkaktoi krizën më serioze në marrëdhëniet midis Rusisë dhe Perëndimit që nga Kriza e Raketave Kubane të vitit 1962, kur shumë njerëz kishin frikë se bota ishte në prag të një lufte bërthamore.
Sinjali – aty ku e vërteta flet para lajmit!
