Për egjiptianët e lashtë, ujitja e tokës ishte njëfarë revolucioni. E me të njëjtin entuziazëm dhe mënyrën e njëjtë po mburren edhe në shekullin e 21-të në Kosovë.
Mbase, i vetmi avancim nga koha e faraonëve është përpunimi i dërrasës që i zë pritën ujit në kanal, raporton Klan Kosova.
Këtë investim të mërkurën në Llap e prezantoi ministri në detyrë i Bujqësisë, Armend Muja.
Për një analist, ekziston arsyeja e promovimit të projekteve të tilla në kohë fushate.
I njëjti zyrtar i shtetit, pikërisht në kohë të kampanjës zgjedhore, kishte nisur rrënimin e një biznesi të ndërtuar mbi pronë të uzurpuar, por që i njëjti objekt ende qëndron në këmbë.
Të tilla veprime bëri edhe ministrja në detyrë e mjedisit, Fitore Pacolli të mërkurën e cila në veri të vendit vendosi tabelat e ndryshuara të emrave të rrugëve.
Pacolli, pak ditë para zgjedhjeve u mburr edhe me ndërhyrje të vogla pastrimi.
Në këtë periudhë elektorale, edhe rikthimi i kinemasë në Mitrovicë u prezantua si hap i rëndësishëm publik.
Kur po mbahen tubimet zgjedhore, kryetari i Mitrovicës nga Vetëvendosje prezantoi edhe projektin për Urën e Sitnicës.
Në prag të zgjedhjeve, prerje shiritash pati edhe nga ministri në detyrë i Shëndetësisë, Arben Vitia i cili 5 ditë para zgjedhjeve përuroi zgjerimin e hemodializës në Gjilan.
Gjithçka rreth kësaj teme gjeni në kronikën vijuese:
