Jo rrallë herë, viteve të fundit na ka rënë të dëgjojmë për filmat shqiptarë.
Nëse në dy dekada më herët filmi ka qenë ëndërr vështirë e realizueshme për shumë aktorë e regjisorë, në këtë të fundit ëndrra ka nis të bëhet realitet.
Një ëndërr e bërë realitet është edhe “Pasaporta”, me të cilën synohen të kalohen kufijtë. Ky dokument u vulos si nga emra të shquar të kinematografisë, edhe nga ata që kësaj rruge i kanë hyrë sefte, raporton Prive Klan Kosova.
E rëndësishme është që “Pasaporta” arriti të servohet me datë 17 janar në Tiranë.
E në eventin, nikoqir i së cilit qe bashkëshorti i saj, Arbana Osmani bukur e ëmbël luajti “zonjën e shtëpisë”. Pasi tryezën e servoi me nga më të ëmblat e Bana’s, rendin e kishte pritja me po të njëjtën ëmbëlsi e mysafirëve, transmeton Klankosova.tv.
Me të kuqen prej një trëndafili, prezantuesja priti edhe ekipin e “Prive” në Klan Kosova, miqve që tashmë ajo i ka pranë në rrugëtimet që bën.
Tek pas përfundimit të intervistës me Arbanën, eventit iu shtua edhe bashkëshorti i saj, “shefi” i mbrëmjes. Nuk e dimë si ka qenë në shesh-xhirime, po mbrëmjen të cilës ia shkroi emrin e tij, e e përballonte me buzëqeshje.
Çka mund të themi lirisht është që njerëzit e duan dhe e vlerësojnë shumë Eduart Grishajn.
E ai e do shumë Arbana Osmanin.
Në këtë mbrëmje me shumë dashuri, kujtim do mbesin gjithë ato fotografi që janë shkrepur para se të hapeshin dyert e kinemasë.
Ani pse yjet e mbrëmjes qenë Arbana dhe Eduarti, yjet e filmit quhen Kaona dhe Indri. Njëra nga Kosova, e tjetri Shqipëria, të cilët përvetësuan rolet e dy të dashuruarve duke shkrirë aktrimin në realitet.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
