Tifogrupi nga Prishtina, “Plisat”, i është bashkuar thirrjes për pjesëmarrje masive në “Marshin për Liri”, i cili do të mbahet më 12 shtator në Prishtinë.
Në një njoftim për media, “Plisat” kanë deklaruar se lufta e Ushtrisë Çlirimtare të Kosovës ishte e drejtë dhe e pastër, duke e cilësuar atë si luftë çlirimtare kundër regjimit dhe okupimit.
“Plisat” kanë bërë të ditur se do t’i bashkohen marshit të së shtunës, duke theksuar se synojnë të mbrojnë vlerat e luftës çlirimtare.
“Ishte një luftë çlirimtare e një populli që luftoi kundër një regjimi dhe një okupimi shekullor. Nuk ka gjykatë në botë që mund ta njollosë të drejtën e një populli për liri, e as vlerat e luftës sonë çlirimtare”, thuhet në njoftimin e tifogrupit.
Sipas “Plisave”, këto vlera përbëjnë një pjesë të rëndësishme të identitetit kombëtar, ndërsa pjesëmarrjen në marsh e kanë cilësuar si qëndrim në mbështetje të tyre.
Sinjali – aty ku e vërteta flet para lajmit!
