Prokuroria pranë Gjykatës së Shkallës së Parë të Juridiksionit të Përgjithshëm në Fier ka përfunduar hetimet dhe ka dërguar në gjyq shtetasin A.M., punonjës policie, i akuzuar për veprën penale “Përndjekja”.
Sipas hetimeve, ai dyshohet se ka përndjekur ish-partneren e tij pas përfundimit të lidhjes 17-vjeçare në vitin 2024.
Prokuroria thotë se i pandehuri ka ushtruar presion psikologjik ndaj gruas përmes telefonatave të vazhdueshme dhe kontakteve fizike, duke i shkaktuar gjendje ankthi dhe frike për sigurinë personale.
Lidhur me rastin, viktima kishte paraqitur disa kallëzime në Prokuroritë e Fierit dhe Durrësit.
Pas përfundimit të hetimeve, organi i akuzës ka vlerësuar se janë plotësuar elementet e veprës penale të “Përndjekjes” dhe ka proceduar rastin për gjykim.
Sinjali – aty ku e vërteta flet para lajmit!
