Është caktuar masa e paraburgimit prej 30 ditësh ndaj Butrint Krasniqit, i cili dyshohet për plagosjen e një personi të hënën mbrëma në Pejë.
Kështu bëjnë të ditur burimet e Klankosova.tv brenda Gjykatës Themelore.
Krasniqi dyshohet për dy vepra penale “Vrasje në tentativë” si dhe “Mbajtje në pronësi, kontroll ose posedim të paautorizuar të armëve”.
Deri tek incidenti dyshohet i parapriu një moment banal.
Viktima kishte kërkuar largimin e njërës veturë nga parkingu për ta liruar rrugën, me ç’rast kishte shpërthyer edhe konflikti verbal, i cili ka eskaluar edhe me përdorimin e armës, ku i plagosur mbeti S.Kelmendi.
Disa orë pas rastit, i dyshuari u vetëdorëzua në polici bashkë edhe me dy armë.
Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata.
Plagosja në Pejë dyshohet se ndodhi pas përplasjes për parking
