Java e 15-të në Superligën e Kosovës në futsall ka sjellë rezultate të thella dhe përballje mjaft konkurruese, duke e mbajtur të hapur garën për kreun e tabelës.
FC Trepça shënoi një fitore bindëse ndaj FC KEK me rezultat 8-3, në një ndeshje të pasur me gola.
Me të njëjtat shifra triumfoi edhe FC Liqeni, që në udhëtim mposhti FC Drenasin, duke konfirmuar formën e mirë në këtë fazë të kampionatit.
Një nga ndeshjet më të forta të javës u zhvillua mes FC Mabetex Prishtina dhe FC Malisheva, ku mysafirët arritën fitore të ngushtë me rezultat 3-2.
Fitore të thellë regjistroi edhe FC Prishtina 01, e cila mposhti FC Shtimjen me rezultat 10-4.
Në këtë javë kampionale, FC Drenica ishte skuadra që pushoi.
Pas këtyre rezultateve, gara në elitën e Kosovës në futsall mbetet e hapur, me ekipet që vazhdojnë luftën për pozitat kryesore në renditje.
Sinjali – aty ku e vërteta flet para lajmit!
