Deputetët e Partisë Demokratike të Kosovës (PDK) i janë drejtuar sot Gjykatës Kushtetuese, ku kanë dorëzuar kërkesë për vlerësimin e kushtetutshmërisë së procedurës së konstituimit të Kuvendit.
Lëndën në Gjykatën Kushtetuese e kanë deponuar kryetari i Grupit Parlamentar të PDK-së, Arian Tahiri, deputeti Përparim Gruda dhe avokati Faton Fetahu.
PDK-ja kishte paralajmëruar më herët se do ta dërgonte këtë çështje në Kushtetuese, duke kundërshtuar mënyrën se si është zhvilluar procesi i konstituimit të Kuvendit.
Po ashtu, kjo parti ka bërë të ditur se nesër do të dorëzojë edhe lëndën lidhur me formimin e Qeverisë së re, të udhëhequr nga Albin Kurti.
Qeveria Kurti 4 u votua të dielën në një seancë të jashtëzakonshme të Kuvendit. Në votim morën pjesë 70 deputetë, ndërsa 62 votuan pro kabinetit të ri qeveritar.
Sinjali – aty ku e vërteta flet para lajmit!
