Johnny Depp rikthehet në Hollywood me një rol të ri, teksa është publikuar traileri i filmit “Ebenezer”, një version i errët dhe horror i klasikës “A Christmas Carol”.
Në film, Depp interpreton personazhin Ebenezer Scrooge, një biznesmen i pasur dhe i hidhur, i cili vlerëson paratë mbi gjithçka. Historia merr një kthesë të frikshme në natën e Krishtlindjes, kur ai vizitohet nga fantazma e partnerit të tij të ndjerë, Jacob Marley, i luajtur nga Ian McKellen.
Marley e paralajmëron Scrooge-in se do të përballet me tre shpirtra, të cilët e detyrojnë të përballet me të kaluarën, të tashmen dhe të ardhmen e tij.
Filmi është drejtuar nga Ti West dhe në kast janë edhe Rupert Grint, Andrea Riseborough, Sam Claflin, Daisy Ridley dhe Ian McKellen.
“Ebenezer” pritet të shfaqet në kinema më 13 nëntor 2026 dhe shënon rikthimin e Depp në një film të një studioje të madhe Hollywood-i pas “Fantastic Beasts: The Crimes of Grindelwald” të vitit 2018.
Sinjali – aty ku e vërteta flet para lajmit!
