Me rastin e Ditës Kombëtare të Personave të Zhdukur, Ambasadori i Francës në Kosovë, Olivier Guerot, ka bërë homazhe duke vendosur lule në kujtim të të gjithë personave që ende konsiderohen të pagjetur nga lufta në Kosovë.
Në një njoftim të https://www.facebook.com/plugins/post.php?href=https%3A%2F%2Fwww.facebook.com%2FFranceauKosovo%2Fposts%2Fpfbid02D9j1XW41T3Zvx1CQRzb529omH7WY9rhomuuDgsfn3Z2kZ36bMegT67KHnvY7LQUBl&show_text=true&width=500“>Ambasadës së Francës në Kosovë, thuhet se Franca qëndron pranë familjeve të të zhdukurve dhe rikonfirmon mbështetjen për vazhdimin e kërkimeve, me qëllim zbardhjen e fatit të tyre dhe ruajtjen e kujtesës.
“Ambasada mirëpret gjithashtu takimin që u mbajt javën e kaluar në kuadër të dialogut të lehtësuar nga BE-ja, në pritje të rezultateve konkrete dhe rifillimin e grupit punues për personat e zhdukur, të kryesuar nga KNKK”, thuhet në njoftim./Klankosova.tv
