Kandidatja për deputete nga radhët e PDK-së, Arta Nallbani e ftuar në emisionin “Edicioni Special” në Klan Kosova tha se garon për deputete për të adresuar problemet, nevojat dhe kërkesat e përditshme të qytetarëve në Kuvendin e Kosovës.
Nallbani tha se problemet dhe kërkesat e qytetarëve janë të njëjta me ato që ishin nga mandati i kaluar, raporton KlanKosova.tv.
“Kandidoj pse vij prej problemeve reale, nevojave dhe kërkesave reale të përditshme të qytetit të Pejës, pasi aktualisht mbajë pozitën e drejtoreshës për Urbanizëm dhe Mbrojtje të Mjedisit në qeverisjen lokale në Pejë. Mandatin e kaluar, por edhe këtë mandat e kam filluar pikërisht me të njëjtat probleme, të njëjta kërkesa dhe të njëjtat lodhje të qytetarëve të Pejës dhe jo vetëm, për këtë arsye ndoshta ka qenë edhe kauza ime kryesore që mos me mjaftu me ngrit zërin në nivel lokal, por me i ngrit këto shqetësime edhe më lartë”, tha fillimisht ajo.
