Kryeministrja e Italisë, Giorgia Meloni, është takuar në Romë me sekretarin amerikan të Shtetit, Marco Rubio, në një moment të ndjeshëm diplomatik mes Shteteve të Bashkuara dhe Evropës.
Takimi vjen pas rritjes së tensioneve ndëratlantike, të ndikuara nga kritikat politike dhe mosmarrëveshjet për çështje tregtare e gjeopolitike. Në qendër të diskutimeve kanë qenë lufta në Gjirin Persik, agresioni rus në Ukrainë, si dhe tarifat amerikane ndaj produkteve evropiane.
Gjithashtu është diskutuar edhe politika amerikane ndaj Kubës, për të cilën Uashingtoni po shtyn drejt izolimit diplomatik dhe ekonomik.
Rubio ndodhet në një vizitë dyditore në Itali, ku më herët është takuar edhe me Papa Leonin XIV në Vatikan, në kuadër të forcimit të marrëdhënieve mes SHBA-së dhe Selisë së Shenjtë.
Sinjali – aty ku e vërteta flet para lajmit!
