Maldivet janë përfshirë nga një seri ngjarjesh tragjike ditët e fundit, pas një tjetër aksidenti fatal në ujërat e arkipelagut të Oqeanit Indian.
Sipas policisë lokale, një turist 53-vjeçar nga Spanjë humbi jetën teksa po bënte sërf në Gaafu Dhaalu Atoll.
Viktima u nxor nga uji dhe u transportua me urgjencë drejt qendrës shëndetësore të zonës, por mjekët konfirmuan vdekjen e tij sapo mbërriti në spital.
Autoritetet lokale kanë nisur hetimet për të zbardhur rrethanat e aksidentit.
Ngjarja vjen vetëm pak ditë pas një tjetër tragjedie të rëndë në Maldive. Javën e kaluar, pesë zhytës italianë humbën jetën gjatë eksplorimit të një shpelle nënujore më shumë se 50 metra të thellë në Vaavu Atoll.
Situata u përkeqësua edhe më tej kur një anëtar i ekipit të shpëtimit humbi jetën gjatë përpjekjeve për nxjerrjen e trupave. Sipas raportimeve paraprake, zhytësi dyshohet se pësoi sëmundjen e dekompresionit gjatë operacionit të vështirë nën ujë.
Sinjali – aty ku e vërteta flet para lajmit!
