Kryeministri i Kanadasë, Mark Carney, ka njoftuar emërimin e ish-gjyqtares së Gjykatës Supreme, Louise Arbour, në postin e Guvernatores së Përgjithshme të vendit, duke filluar nga muaji korrik.
Arbour, 79-vjeçe, do të zëvendësojë Mary Simon, e cila po përfundon mandatin e saj pesëvjeçar si Guvernatore e Përgjithshme e parë indigjene e vendit.
Në një konferencë për media në Otavë, Carney e vlerësoi Arbour si një figurë të jashtëzakonshme juridike dhe diplomatike, duke theksuar se ajo do të përfaqësojë Kanadanë në vend dhe në botë.
Louise Arbour është e njohur për karrierën e saj në drejtësi ndërkombëtare, përfshirë rolin si kryeprokurore në Tribunalin Ndërkombëtar për ish-Jugosllavinë dhe Ruandën, si dhe si Komisionere e Lartë e OKB-së për të Drejtat e Njeriut.
Me rastin e emërimit, ajo tha se do të përfaqësojë Kurorën në kuadër të sistemit kushtetues të Kanadasë, ku kreu i shtetit është Mbreti Charles III.
Sinjali – aty ku e vërteta flet para lajmit!
