Legjenda e Real Madridit, Fernando Hierro, ka nxitur spekulimet e afatit kalimtar, duke sugjeruar se Mohamed Salah do të ishte një përforcim ideal për klubin madrilen.
Salah pritet të largohet nga Liverpooli në fund të sezonit si lojtar i lirë, pas nëntë vitesh të suksesshme në “Anfield”, megjithatë ai ende nuk ka marrë një vendim përfundimtar për të ardhmen e tij.
“Salah te Real Madridi? Sigurisht, do ta doja shumë këtë. Salah është një lojtar i jashtëzakonshëm në çdo kuptim të fjalës”.
“Askush nuk mund ta mohojë ndikimin e tij të madh te Liverpooli dhe arritjet që ka realizuar, sidomos fitimin e Ligës Premier. Do të doja ta shihja te Real Madridi, në futboll gjithçka është e mundur”.
“Salah është tipi i lojtarit që çdo klub në botë do të dëshironte ta kishte. Ai është i veçantë dhe ka ndikim të drejtpërdrejtë në fushë”.
“Nuk është vetëm një lojtar i madh; ai është një fenomen i vërtetë i futbollit që bën diferencën kudo që luan”, ka deklaruar Hierro.
E ardhmja e reprezentuesit egjiptian mbetet ende e paqartë, ndërsa Superliga e Arabisë dhe MLS janë përmendur më herët si destinacione të mundshme për të.
Sinjali – aty ku e vërteta flet para lajmit!
