Tridhjetë ditë paraburgim i janë caktuar Nuhi Bislimit, i cili dyshohet se ka ngacmuar seksualisht disa vajza gjatë orarit të punës në Skenderaj.
Siç ka mësuar gazetarja e Klan Kosova, Endrita Bajrami, i akuzuari dyshohet se u është prezantuar viktimave si 27-vjeçar dhe i pamartuar, ndonëse i martuar është.
Seanca për caktimin e masës së sigurisë është mbajtur të mërkurën në orën 15:00, ku gjykata vendosi që i dyshuari të përfundojë prapa grilave për 30 ditë.
Rasti kishte ndodhur më 18 qershor, ndërsa arrestimi i të dyshuarit u bë më 29 qershor.
Për rastin kishte njoftuar edhe Policia e Kosovës në raportin 24-orësh, sipas të cilit rasti kishte ndodhur më 18 qershor, ndërsa arrestimi i të dyshuarit u bë më 29 qershor.
“Rr. ’17 Shkurti’, Skenderaj, 18.06.2026, 10:45-18:00. Lidhur me rastin është arrestuar i dyshuari mashkull kosovar dhe i njëjti, pas intervistimit, me vendim të prokurorit është dërguar në mbajtje”, thuhet në raportin policor.
Ndaj të dyshuarit tashmë është caktuar masa e paraburgimit, ndërsa hetimet për rastin janë në vazhdim./Klankosova.tv
