Kuvendi i Kosovës ka njoftuar se nesër do të mbahet seanca konstituive e legjislaturës së re.
Seanca do të nisë në orën 10:00 dhe do të mbahet në sallën e seancave të Kuvendit.
Sipas rendit të ditës, fillimisht do të bëhet formimi i Komisionit të përkohshëm për verifikimin e kuorumit dhe të mandateve të deputetëve.
Më pas, deputetët do të bëjnë betimin, ndërsa në vazhdim pritet të zhvillohet procedura për zgjedhjen e Kryetarit të Kuvendit dhe të nënkryetarëve.
Rendi i ditës:
Formimi i Komisionit të përkohshëm për verifikimin e kuorumit dhe të mandateve të deputetëve;
Betimi i deputetëve.
Zgjedhja e Kryetarit të Kuvendit.
Zgjedhja e nënkryetarëve të Kuvendit.
